Ette tulli wannamõisa rentnik Jaak Jassik nink kaibas et Petre Leoski naine Katri ilma temma lubbata länno temma hõlleküni hõlgi wõtma.

Ette kutsuti Peter Leosk ja naine Katri nink loeti eenseiswa kaibus ette, ent Katri Leosk ütles et ollew kül wõtno üts kõrd korwi sisse, ent sis tulno Jaak Jassik wasta ja sõimanu tedda litsis nink tirgutano ja nirgutanu kättega ja tahtno tedda kui ärra süwwa.

Jaan Russ andse tunnistust et temma kül nänno kui Katri Leosk künin käino hõlgi wõtman, nink sis tulno Jaak Jassik wasta ja küssno kelle lubbaga sina neid hõlgi wõttat.

Ent wimate ütles Jaak Jassik et ei tahha neide hõlgi eest middagi ent et Katri Leosk tedda koggokonna kohto ees om teotano selleperrast palles sädusse järgi trahwi.

Kohtomõistus: Kunna nüüd Katri Leosk ütles et rentnik Jaak Jassik tedda om sõiman Litsis nink tahtno tedda kui ärra süwwa ja selle ülle mitte tunnistust es anna, mõista meije et Katri Leosk massab 1.(üts) rubla trahwi koggokonna Ladikude.

Se kohtomõistus sai kohtunkäüjile kuulutedu