Ette tulli Johan Kukkel ja kaibas et temma perremees Karl Horn tedda ärra ajanu tenestussest.

Ette kutsuti Karl Horn nink loeti eenseiswa kaibus ette ent temma ütles mitte ärra ajanu ollewat, waid sullane Joh Kukkel om mitto päiwa ümbre hulkno ja wimate koddo tulnu ja tema lubbano neide päiwi eest palgast mahha wõtta tolle päle sano sullane pahatses ja länno hopis ärra, ent temma laskno tedda taggasi kutso sis olno kohtomees Tannil Purge ka sääl ja se kaskno temal taggasi jäda ja hakkata tööt teggema, ent kui kohtomees ärra länno sis om ka sullane perran teda ärra länno, ja nüüd ei taha tema ennamb tagasi wõtta ja nõudis et Jöh. Kukkel temmale palk taggasi massas.

Kohto mõistus: Kunna nüüd sullane Johan Kukkel ümbre hulkno ja omma perremehhe sõnna ei olle kuulno ja ka tene kõrd ärra länno kui Karl Horn tedda tahtno taggasi wõtta mõista meije tedda ommast perremehest hopis lahti, ent Kuttoru massap tälle kats jaggo Palka  mis neil leppito kätte, suwwe teenistusse eest.

Se kohtomõistus sai kohtonkäüjile kuulutedus ja §773 ja 774.Tal.säd.ram.1860.a. ärra selletedus, mis oppust andwa suremba kohtonkäümissest, ent Karl Horn es olle sellega rahhul tolleperrast et kats jaggo palka sullaselle mõisteti ja sullane es olle tolleperrast rahhul et tälle kiik leppitut palka kätte es mõisteta nink wimate sai neile ka §81 perra se trükkito oppuse leht wälja antus.

Kohtomees Tannil Oinas XXX

Kohtomees Tannil Purge XXX

Abbikohtomees Jakob Kõiw XXX

Kirjotaja /allkiri/