Ette tulli Tamme Widrik Oinas ja kaibas et sel 9tal Octobri homingo koido aigo temma haina kuhhi olli ärra pallotedu, ja arwas et Ihhara Jakob Paat kes temaga wihha sissen om olno sedda kurja tööd om tenno.

Ette kutsuti Jakob Paat ja loeti eensaiswa kaibus ette ent temma ütles, et tema om säält kül möda lännu selsamal kõrral Wõrro ladale ja temma welli Hindrik temmaga ütten länno Holsta weski manu ja se kui nemma säält möda länno ent hainakuhhi terwe olnu.

Ette kutsuti Hindrik Paat ja küssiti temma käest kuidas se assi om olno, ent temma ütles et tema länno jalksi tük maad een ja temma welli Jakob sõitno hobbesega järgi, ent 1/4 wersta kuhjast jäno temma seisma ja ootno Jakobid järgi /toleperrast et temmal olno ... jahwatusse perrast mes Holsta weski man olno) ja temma tade kaeno sis nänno temma et middagi pallas, ent temma üttelno Jakobile läme taggasi meije welle Jani maja pallas, ent Jakob nakkano õkwa happi heikama,sedda kuulis Järwe Jaan Nabbal ja temma welli Jakob, ne tulno mäe otsa kaema ent ei olle mitte tulno kistotama,

Sellepäle küssiti weel, kas keddagi ka een neid om länno, ent tema ütles es ei olle nänno keddagi een minnewat.

Ette kutsuti Jaan Nabbal ja küssiti mesperrast temma ei olle lännu kistotama, ent temma ütles, oles kül länno ent peljano et wast arwatas et temma sedda om pallama pandnu ja et sääl üts mees om rööno sele perrast ei olle tema julleno sinna minna.

Ette kutsuti Jakob Nabbal ent se andse seddasamma tunnistust mes temma welli Jaan.

Ent Peter Hussar kes omma poisiga seddasama teed ½ wersta perran om sõitno (Wõrro lina) tunnistas et saalt keddagi muud ei olle lännu een, kui Jakob Paat oma welle Hindrikuga, ne olno /100/ sadda sammo kuhjast kaugel ent ei olle tulno mitte kistotama, ja länno ärra, ent temma om läno omma sullasega kistotama.

Päkohtomees Jürri Waldmann XXX

walla wöörmündri Jaan Hussar XXX

Kirjotaja /allkiri/

Copia Wõrro makohtude sadetu