Ette tulli wannamõisa rentnik Jaak Jassik ja kaibas et temma om löüdno et temma keldre luuk sel 3tal Octb om ärra lahhoto olno, kos temmal linnad sissen om olno, sellepäle pallolno tema wallawallitsssust sedda üllekaema, ent wallawallitsus om Jaak Jassiko üttelusse perra loidno et 8 tükki linno om pudus mes 1 LM ehk rohkemb egga tük om kaaluw puudus ollewat, ja Jaak Jassik arwas et temma Sullase Peter Leosk ja Soldat Tannil Kõrbe omma warrastano.

Ette kutsuti Peter Leosk ja küssiti temalt een saiswa kaibusse päle, ent temma ütles et temma om ennegi üts pund linno läbbi lugi keldrest wälja  toono, kos luuk puudega om olno kinni naglutedu ja temma neid ees ärra kiskno, ja Soldat Tannil Kõrbe kellega temmal nõu om ütte ... olno, om linna punna wasta wõtno ja ütten temaga  Märt  Seppa kätte kes neile om masnu 20 kop neide eest.

Ette kutsuti Tannil Kõrbe ja temma tunnistas nida: et Peter Leosk om keldrest 1.pund lino wälja toono ja tema neid wasta wõtno ja oma mõllemba wino Märt Seppa kätte.

Ette kutsuti Märt Sepp ja küssiti temma käest kui pallo linno temma neide käest om wasta wõtno, temma ütles 1 pund ollew temma neide käest wasta wõtno ja masno neide eest 20 kop ja nemma omma ütelno et wannamõisa keldrest omma toonu ja läbbi lugi sisse länno ja üttelsiwa weel et neil ka wõtti om et nema ka ussest wõiwa sisse minna.

Päkohtomees Jürri Waldmann XXX

Kohtomees Tannil Oinas XXX

Kohtomees Tannil Purge XXX

Kirjotaja /allkiri/

Copia Wõrro Makohtule