Ette tulli Liso Lukin ja kaibas, et Peter Ruus ollew tüttart Olga ja lehma wikkatiga tagga ajano ja lubbano läbbi lüwwa.

Sellepäle kutsuti Peter Ruus kohtu ja loeti eensaiswa kaibus ette, ja temma üttel kül todda lehma wiljast wälja ajanu, ent mitte wikkatiga karjust ei ka lehma tagga ajano.

Tanil Leosk andis tunnistust, et temma nännu kui Peter Ruus ajano karjast ja lehma wikkatiga tagga.

Kohtomõistus: Peter Ruus peap selle essimisse eest 14 päiwa aja sissen 1 rubla trahwi walla waeste ladiko masma.

Se Kohtomõistus sai kohtonkäüijle kulutedus ja §773 774 Tal.säd.ram. 1860.a. ärra selletedus mis oppust andwa suremba kohtonkäümissest, ja kohtonkäüja jäiwa selle mõistmissega rahhul ja wimate sai neile §881 perra oppusse leht wälja antus.

Päkohtomees Jürri Waldmann XXX

Kohtomees Tail Oinas XXX

Kohtomees Tanil Purge XXX

Kirjotaja /P.Haberland/