Ette tulli Johann Tuwwi ja kaibas et Ann Kihholane olewat tema naist rööwlis sõimanu üts kõrd karja man ja üts kord kartohwlide wõtmise man ja et nüüd Johann Tuwwi sedda trotsmist ärra kanda ei tahha sis pallep kohhut An Kihholast trahwida ja olewat tunnistaja Johann Wesper ja Karl Pilt ja Katri Redo.

Ann Kihholane, mansaisja olli Peter Erik ütles et karja man nakkas Johann Tuwwi naine minno sõimama nink sis sõimsi mina ka tedda wasta nink kartohwlide wõtmise man ütli mina tedda rööwlis wai temä naist röwli naises sest et Johann Tuwwi minno enne sedda ösel pessis.

1. Tunnistaja Karl Pilt, Lutteri usku ei ole weel pääkoolin olnu ütles wälja et kui Johann Tuwwi naine kartohwli wõtmise mano tulli, sis üttel Ann Kihholane et kae kui rööwli naine jo tulep.

2. Tunnistaja Johann Wesper Lutteri usku ütles wälja et kartohwli wõtmise man sõimas kül Ann Kihholane Johann Tuwwi naist et et rööwli om ka sija tulnu nink Karl Pilt üttel et kes om se rööwli nink Ann Kihholane üttel sis et Tuwwi norik.

3. Tunnistaja Katri Redo Lutter usku ütles wälja et Ann Kihholane ja Joahnn Tuwwi naine sõimsiwa tõine tõist ütte puhku, ent kumb sedda sõimamist alust, sedda mina es kule.

Moistet:

Sõimamise eest peap Ann Kiholane 6 tundi türmin olema.

Se moistmine om §773 ja 774 perra kulutedu ja oppusleht wälja antu.

Pääkohtumees K. Lõhmus [allkiri]

Kohtumees Peter Prants [allkiri]

Kohtumees Jaan Oppar XXX

Kirjotaja J.Jõgewa