Ette tulli wannamõisa rentnik Jaak Jassik ja kaibas, et Aleksei Kirsa ollew temma tarrest omma sapa, kelle eest temma 3 rubla kängseppale masnu, ilma temma teedmata ärra wõtnu ja Tõllija kõrsi man Jaak Ketzile ärra müünu, 3 rublaa eest, ent temma sure otsmisse ja waiwaga sanu ütte sapa Jaak Ketzi käest kätte, ent tõine ollew praegust Tõllija kõrsin,ja nõudis omma 3 rubla, ni häste 3 rubla henda ja Wallawöörmündri Jaan Rikka waiwa eest, ke abbin sapid otsman olno.

Sellepäle kutsuti Aleksei Kirsa kohtu ja loeti eensaisew kaibus ette, ja temma ütles, et Jaak Jassik nännu kui temma tarrest sapa wõtnu ja hendale jalga tõmmanu ja perrast lännu kõrsi mannu ja münu 3 rubla eest Jaak Ketzile ärra, ja ei wõiwat muukui massa.

Kohtomõistus. Aleksei Kirsa peap 14 päiwa aja sissen to 3 rubla ja üts rubla waiwa eest Jaak Jassikule ärra masma, ja sapa jäwa ostjale ja tolle eest lähhap Aleksei Kirsa kogokonna türmi wee ja leiwa ja omma kullo päle öös ja päiwas, et ilma lubbata tarrest ne sapa wõtse.

Se Kohtomõistus sai kohtonkäüijle kulutedus ja §773 ja 774 Ta.säd. ram. 1860.a. ärra selletedus, mis oppust andwa suremba kohtonkäümissest, ja Jaak Jassik es jä tolleperrast selle mõistmissega rahhul, et mis weidi waiwapalka mõitedi, ent Aleksei Kirsa jäie rahhul, ja wimate sai neile §881 perra se trükkito oppuse leht wälja antus.

Päkohtomees Jürri Waldmann XXX

Kohtomees Tanil Oinas XXX

Kohtomees Tanil Purge XXX

Kirjotaja /P.Haberland/