Selle mõisawallitsus olli sel 13- tal Dezembril 1877.a.selle kohtu man sisse kaibanu, et Hindoalla tallo rentnikkul Johann Potaril ollew weel 40 Rubla rendi masmata, ja pallel Johann Potarile tolleperrast ülles anda, et temma peap sel 23 Aprilil 1878.a. toost majast wälja minnema.

Sellepäle kutsuti Johann Potari, (ke mitma kässo andmisse päle, täämba tulno ) kohtu, ja loetieensaiswa kaibus ette, ja temma ütles jobba sel 20-tal Dezembril 1877 a. to 40 rubla renti kige indressiga ärra masno ollewat, ja tolleperrast saisnu to rent ni hilda masmata, et Wannamõisa (Waldhof) härra C. Baron Maydell lubbano to rahha eest temma käest haino osta, ja sis rendi ette ärra arwata, ent perrast ei wõtno ennamb haino.

Kohtomõistus. Kunna Johann Potari õigel terminil omma tallo renti ei olle ärra masno, sis peap temma sel 23 Aprilil 1878 a. Hindoalla tallost wälja minema, ja ei wõi üttegi kahjotassomist mõisawallitsuse käest nõuda.

Se Kohtomõistus sai kohtonkäüijle kulutedus, ja §73 ja 774 Tal.säd.ram. 1860.a. ärraselletedus, mis oppust andwa suremba kohtonkäümissest, ja mõisawallitsus jäije selle mõistmissega rahhul, ent Johann Potari tolleperrast mitte, et mis tedda tallost wälja mõistedi ja wimate sai neile §881. perra se trükkito oppuse leht wälja antus.

Päkohtomees Jürri Waldmann

Kohtomees Tanil Oinas

Kohtomees Tanil Purge

Kirjotaja: /P.Haberland/

Copia III Kihhelkonna Kohtu sadetu