Ette tulli Kristop Oinas ja kaibas, et Ilip Iwanow ollew temma poja Johannil lasknu sitta weddamisse aigo, sitta koormat nurme päle kuito, ja taggasi tullen ollew Hendrik Massa hobbene hirmsahe nakkanu lahkma ja wissanu temma poja wankerde päält mahha ja lönu sure mulgu otsa sisse, et weel nüüdgi ei ollew terwe, ja rohho päle ollew 4 rubla ärra kulunu. Selle päle kutsuti Ilip Ivanow kohtu ja loeti eensaiswa kaibus ette, ja es ütle Kristop Oina poiga Johanni mitte käsknu ollew hobbesega minna, waid kui nänno, sis keelnu.

Ent wimate kutsuti ka Hendrik Massa kohtu, loeti Kristop Oina kaibus ette, ja temma es ütle toost asjast enne middagi teedwat, sest temma olno laudast sitta päle heitman, kui kuulnu, et Kristop Oina poja Johanni otsa sisse ollew temma hobbene mulgu lõnu.

Kohtomõistus: Ilip Ivanow massaap tolleperrast 2 rubla, et mis ta poisil hobbesega sõita lassis, ja Hendrik Massa tolleperast, 1 rubla, et mis essi kiutjat ütten es wõtta, kui teedse, et lahkja hobbene, selle perra saap Kristop OInas 3 rubla ülle mõllembide 4 näddali aja sissen temma poja rohho rahha wälja mastus, ent üts rubla jääp Kristop Oina ommas kahjos, et mis latsele perra ei kae.

Se Kohtomõistus sai kohtonkäüijle kulutedus ja §773 ja 774 Tal. säd. ram. 1860.a. ärra selletedus, mis oppust andwa suremba kohtonkäümissest, ja kohtonkäüja jäiwa kiik selle mõistmissega rahhul.

Päkohtomees: Jürri Waldmann XXX

Kohtomees: Tanil Oinas XXX

Kohtomees: Tanil Purge XXX

Kirjotaja:/P.Haberland/