Ette tulli Peter Kuk ja kaibas et sel septembril ösel lännü temä ja Andre Sok ja Andre Lambre Johann Witkini pole et Michel Hak säält tütrikage mant kinni wõtta nink saisnu sääl aida kaarte al ütte puu pääl sääl tulnu Michel Hak ja wõtnu tedda rinnast kinni ja nakkanu tedda pesmä nink Jaan Ramp ja Tannil Tappo nisamma ja pesnüd ne kolm poisi kiwiga temä pää sisse mulgut ni et werrine olnu nink ja saapastega sälga pesnüd sis nõwwap walurahha 15 Rbla ja olewat tunnistaja Andre Lambre ja Jaan Kerge.

Kiwwiorra kõrzimees Michel Udras ütles et küla poisit tulliwa kül pool päiwä õddangul kõrzi mano ja wõttiwa pole toopi wina ja lätsiwä ärra ent taplemist mina ei ole nännü.

Tunnistaja Andre Lambre ütles et se Jaan Ramp üttel et Peter Kuk saap täämba ösel üle lödüs nink sis sääl aida man wõttis Michel Hak Peter Kuke rinnust kinni ja Jaan Ramp ja Tannil Tappo wõtiwa ka pessä nink Andre Sok olli ka sääl murro pääl Witkina pool.

Andre Sok ütles et mina lätsi kül Peter Kukega Witkina pole ent lätsi jälle pea ärra omma koddu, ent pesmist mina ei ole nännü.

Rudolf Siegert ja Gustav Witkin ütlewa et nema ei ole mitte sedda taplemist nännü.

Otsus

Jaan Ramp, Tannil Tappo ja Jaan Kerge Panikowitsast Middine atres kutsuda.

Pääkohtumees Karl Lõhmus [allkiri]

Kohtumees Peter Prants [allkiri]

Kohtumees Jaan Oppar XXX

Kirjotaja J.Jõgewa