Selsammal üllewan nimmitetu paiwal, nink üllewan nimmittetu kohtomeeste man ollen tulli kaibussega kubbias Juhhan Pepernik ette, et 17nel Decembril öddango, om üts mees kedda temma mitte ei olle tunnu, moisa köki tulnu, kubbias om temmalt küssinu kes ta olles nink mes tal ütlemist om, temma wastus olnu, et temma om wahhimees, kubbias ütlenu henda wahhimeest tundwa nink üttelnu tälle; "sinna wahhimees ei olle"! Sepäle om temma wälja lännu nink kubbias lännu tälle taggast perra kaema; sis om sääl üts mees jooskma nakkanu tarre nukka mant, kus kubbias juttu hölli päle tahtnu kaema minna, kubbias om tolle mehhele perra joosknu. Ni pea kui temma om nännu kubbia henda perran jooskma, om ta henda ümbre käändnu nink kubbial töise käega kalarättist kinni wötnu nink töise käe supäle pannu, sis henda walla tömmanu nink pakku joosknu. Nüüd om kubbias tarre lännu nink wanna kubbia Jacob Drees ulles ärratanu, to om henda röiwide pannu nink Tischleri perra lännu, kes mäelt tullen nida läwwe een Karl Jereti, kes tare poolt winakoa pole om joosknu, kinni wötnu, nink ommawa Tischler wanna kubbiaga tedda kinni pannuwa.

Karl Jeret selletas et temma kül om joosknu, ruttaten et temmal om weel rehhe man tööd olnu, ent Tischler om tedda taggasi tonu ja kubbias Jakob Drees om ka sinna mannu tulnu, nink ommawa tedda köki kinni pannuwa kos temma hommungo kella 3ni kinni olnu, nink kubbias Juhhan Pepernik om temma kübbara arrawötnu.