Kaibussega olli moisa wallitsus ette tulnu tappelusse perrast. Körtsimees Märt Semljak olli omma naist wäga pesnu, et ta müürseppa wennelastele wina om wölgo andnu, nink om lubbanu naist püssiga laske, sest püs om temmal käen olnu. Wennelanne Philip om pelgama nakkanu et körtsimees wahhest omma naise mahha lassep, nink lännu Härra mannu kaibama ja kutsnu Härra körtsi mannu.

Senikawwa olnu wennelane Michell püssi körtsimehhe käest ärrawötnu. Kui Härra om alla tulnu, olnu naise silmad kik ärra ikketu.

Körtsimees Märt Semljak selletas kohto een, temma nakkanu mötsa minnema nink om püs kalan olnu, wennelaset om kik joobnu olnuwa nink müürsep Michell om lännu akna päält sola annumast sola wötma omma käega, sis om körtsimees omma naist touganu ent püs olnu temmal kalast arrawoetu nink körwale pantu. Päle se om körtsimees weel kats kord käega omma naist lönu et temmal olnu waja kauba rahha massa, nink naine olnu paljo wina wölgo andnu. Sedda kik üttel körtsimehhe naine öige ollewat, töine kord sanu temmal weidi haiget töine kord ei olle haiget suggu sanu kui mees om lönu. Et ta om iknu, sedda om temma halledusse perrast tennu, et temma mees ei olle weel ilma pääl tedda lönu, ent siin om temma jodiko wennelaste perrast lüwwa sanu.

Et körtsinaise wina wölgo andmisse läbbi rahwas sawa jodikus harjotetus, nink seläbbi pahha ello tössep, nink körtsinaisel lubba ei olle enne wina anda kui rahha om massetu, möistis kohhus körtsinaisele se eest üts rahha trahw 50 koppika höbbega walla ladiku 14 Octobri ku päiwani massa. Et körtsimees omma naist se eest om paar körda lönu omma äkkilisse süddamega, olli täl pahhandusse perrast mes naine tälle om tennu; nink et naine essi omma mehhega rahhul om, es möista kohhus tälle üttegi trahwi.

Wennelastele möistis kohhus, et nemma wäggisi körtsi naise päle om tüknu nink wina wölgo jonu, nink kats päiwa perratside körtsin kärra tennu nink wimate weel omma käega sola wötma lännu, üts rahha trahw, kummagi wennelassele 1 rubla höbbega 14 Octobris walla ladiku massa.