Tulli kaibussega moisawallitsus ette wargusse perrast, et soldat Karl Zirk om moisa sawwikoa mant sawwi kiwwisid warrastanu. - Eddimalt om temma een õddakut päle löuna hobbesega sawwi koa mannu lännu nink nakkanu kiwwisid päle pannema; (wennelanne) kiwwiteggija Philip om temma käest küssinu kus ta neid kiwwisid wiip? - temma üttelnu: "moisa"! ent moisa-wallitsus es olle mitte koggoni tedda kiwwide perra saatnu. - Töistkorda om temma keskööse jälle tulnu: sis om wennelanne Philip tedda kinni wötnu. Ent soldat Karl Zirk om tedda hobbese mant ärrawissanu. Karl Zirkul om Otsa perrenaise Leno Trooni hobbene olnu kellega temma neid kiwwisid om weddanu, ent kas ta need kiwwid Leno Tronile om winu wai mitte, sedda es tija moisa wallitsus mitte.

Soldat Karl Zirk selletas kohto een et temma kül om kiwwisid warrastanu, ent ei olle mitte katte korda kiwwisid winu enge ütskörd. Temmal ei olle kuskil korteri olnu, sis om temma Otsa perrenaist Leno Troni pallelnu et temma lasses täl omman sannan olla; Leno Troon üttelnu, et ta kül woip nikawwa temma sannan olla kui temma tenistust saap, ent üttelnu sanna ahjo laggonu ollewa.

Töisel ööl päle to om temma ilma perrenaise teedmatta hobbese tallist wötnu nink lännu sawwi koa mannu kiwwisid wargile nink tahtnu noist kiwwist sanna ahjo essi parrandata. - Sawwi koa man om kiwwi teggija Philip tedda kinni wötnu, hobbest eest ärra wötnu nink hobbese sälga istnu ja hobbest moisa kinni tonu. Soldat Karl Zirk om hobbest suwerest weddanu, nink nida ommawa nemma kesköse möisa tulnu: tee-pääl om wennelanne Philip ütten paigan essi säljast mahha tulnu nink ei olle Karl Zirk tedda mitte töuganu. -

Et se warras üts pilleti päle lastu soldat om, es olle koggokonna kohtul mitte melewald sepäle middage möista, enge pallep Keisrilikko Wörromakonna silla kohhut se päle otsust tetta.