Ette tulli Michel Holter ja kaibas et temä ja Peter Horn olewat herra käest üts mõtsawahhi kottus poles rentitu 140 Rbla eest nida et rent massawa poles ja maa teggewa poles nink põllu saaki ka wõtwa sis poles ent nüüd ei tahha Peter Horn temäle pole rüä anda sis pallel kohhut et temä ne pole rüä saap.

Peter Horn ütles et mina olli jo minewäl aastal selle kottuse pääl ütsinda rentnik nink kewwade anni mina pole maad Michel Holterile ni et temä massap minole 25 Rbla pole õiguse eest nink Michel Holter teggi 3 wakka jo mino maa päle minewäl suwwel 2 Rbla wakka maa eest ja anni mina ka weel 3mel wakka maa rükki nüüd mano. Michel Holter ütles et 18 aastat om se kontrakti aig nink kui kiik kontrakti aig mino kätte pool jääp sis massa mina kül 25 Rbla Peter Hornile.

Moistet:

Peter Horn peap pole rüä omist rüest Michel Holterile andma nink ne Michel Holteri tettu rüä jäwa ka Michel Holterile ni et 2 Rbla wakka maa eest massap ni kui leppitü om se om 6 Rbla nink piddawa ma poles kuni kontrakti aig möda ja massap Holter ka se 25 Rbla selle een õiguse eest.

Se moistmine om §773 ja 774 perrä kulutedu ja oppusleht wälja antu.

Pääkohtumees K.Lõhmus [allkiri]

Kohtumees Peter Kallamn [allkiri]

Kohtumees Jaan Oppar XXX

Kirjotaja J.Jõgewa

Peter Horn protokoll wälja sanu sel 9 Aug. 1885