Ette tulli Matli Kulla, mansaisja olli mees Andre Kulla ja kaibas et kui temä 6 aastat wana olnu sis tulnu tema Hindrik Hirti mano kaswolatses ja tonu ka üts lehm oma emä käest ütten, ent nüüd mehhele lännü ja Hindrik Hirt kaswulatse õiguse perrä kül ütte lehma andnu ent sedda emä lehmä ei ole andnu, sis pallep kohhut se lehm ka temäle ärra anda laske.

Hindrik Hirt ütles et Matli Kulla tõije kül ütte lehmä ja mina möije se lehmä ärra 11-ne Rbla eest ent mina ole ka Matli Kulla kaswatanu ja mehhele pandnu nink ka üts lehm ütten andnu.

KäbliPeter Sok ütles et se lehm saije Hindrik Hirti kätte antus et se jääp iks Matli Kulla hääs nink Hindrik Hirt piddi iks tõi lehma andma.

Moistet:

Et Hindrik Hirt ni norelt Matli Kulla henda mano om wõtnu ja tedda kaswatanu, sis peap Hindrik Hirt pool sest lehma rahhast se om 5 Rbl 50 Kop Matli Kulla häs weel perra masma.

Se moistmine om §773 ja 774 perra kulutedu ja oppus leht wälja antus.

Pääkohtumees K.Lõhmus [allkiri]

Kohtumees Peter Prants [allkiri]

Kohtumees Jaan Oppar XXX

Kirjotaja J.Jõgewa