Tulli ette (Karrasky) Wija Hindriko Tallo rentnik: Fritz Nutt, ja pallel Kog. Kohhut omma asja selletusselle, ehk Moistmisse alla wõtta, sest et Tallo rendile andja Jaan Praggi mittma kõrra kutsumisse pääle mitte kohto ette es olle tullnu ommale asjale otsa tetta, nink pallel kohhut omma asja allustussest, kunni lõppetuseni kuulda wõtta.  kui nimmelt. 

Jaan Praggi teggi minnoga Rendi kaup omma Karraskin ollewa Wija Hindriko Tallo pääle sel 6al Augustil 1878. ja lubbas minnol katte näddale perrast suur Kontrakt kätte anda Maja rentimisse perrast, selle pääle massi minna, Fritz Nutt (5) wiis rubla sisse, ja kui Kontrakt olle kätte saanu, piddi weel (50.) wiiskümmend rubla mannu massma, ja se puduw olles saanu terminil massetus, sis lätsi minna ette säetu ajal Kontrakti otsma nink es sa, ni käisi minna mitto kõrda nink ikkes ess sa, egga kõrd olli essi suggune wigga, nink nida jõudis eddimanne März kätte, kos termin olli renti massa, ja massi ka terminil rendi ärra, perran rendi sisse massmist, sis pakkuti minnol Kontrakt, se olli opis teisiti tettu kui lepping olli, sedda es woi minna wasta wõtta, sis üttel, Jaan Praggi, kas wottat woi ei, sis tijat, et Jakobi päiwal anna ülles, sis tulli Jaan Praggi pääle Jakob päiwa toll pühha päiwal sedda samma wanna Kontrakti pakkuma, kedda minna mitte wasta wõtta es woi. 

Sis kutsuti minno Praggi´le otsma, minna lätsi ka, säält lätsime Perri walda Jaan Neiman´i poole, sääl pakkuti jälle sedda samma wanna Kontrakti, ent minna es woi ülle leppingo tettu Kontrakti mitte wasta wõtta, sis ütteldi minnol jälle, kui wasta ei wõtta sis läät Jürripäiwal wälja, selle kõnnega tulli ärra, 

Sis lätsi 29.al Septembril 1879. renti massma, ja Jaan Praggi olli haige, es wõtta essi mitte renti rahha wasta, ja kästi minnol Jaan Neimann´i kätte wija, nink minna lätsi ka, ja massi rendi ärra, sis kutse Jaan Neimann minno Kontrakti perrast teist kõrd, sis lätsi pääle Põlwa laade teisel päiwal Neimann´i poole, se üttel, minne Jaan Praggi poole nüüd om temma essi terwe, sis lätsi minna sinna, ja Jaan Praggi üttel minnol, minna olle essi Kontrakt, sis mõtli ehk minno wast jättap paika. Sis lätsi weel 2.el Webruaril 1880. Kontrakti perrast kõnnelema, kos Jaan Praggi minnol üttel, üttle woi täämba, et sinna ei pea, minna sinno ei keela, woit minna.  Minna sinnol säärast Kontrakti ei anna, mes sinna tahhat, sääl olli Praggi Wallawannemb: Johan Tinzo, ja Ratsep Johan Selts kuulman, Sis otse minna hendal kottusse, ja anni 7al Webruaril se asta: Jaan Praggi´l teeda, et woip omma Maja wälja renti kelle tahhap, nink pallelsi Karrasky Koggokonna Kohto poolt ka weel, Praggi wallawallitsusselle ütte kirja selle asja perrast, mes ka anti, kedda Praggi wallawannemb Johan Tinzo, Jaan Praggi´l ette luggi.  Et minna: Fritz Nutt 23ast Aprilist se aasta temma maja ennamp eddesi ei pea, et om minnol paljo waiwa ja kahju tennu, ja küsse hendale asseme otsimisse tähte, ent temma es anna, sis ütli minna weel, kui tähte ei anna, nink minna Kottussest ilma jaa, ehk minno rent kallimbas lätt, sedda kahju nõwwa minna sinno käest, sis üttel temma: (Jaan Praggi) minnol, kassi wälja, uss om sääl.  Minna lätsi wälja, ent saisti usse takkast taggasi, ja küsse weel tähte, selle pääle anti wastosses minne persehe, minna sinnol määrast tähte ei anna.  

Sest, et minnol: Jaan Praggi perrast, suur waiw ja kahju om saanu, ja temma minno, minno wanna Kottusse päält om wälja liigutanu nink nüüd jälle pea Kraami weddama,  om minno kahjutassomisse nõudminne: Jaan Praggi käest, kui nimmelt teisel pool näitap. 

kedda minna palle Kohto läbbi minnol kätte tallitada laske.

Piddi ette kutsutus saama Jaan Praggi (Praggi wallast) agga mitma kutsumiste pääle es olle tulnu, ei ka wabbandamisse teedmist es olle ka ette saatnu. 

Otsus  Kohhus moistis, sest et: Jaan Praggi selle siitpoolitse kirja pääle sest 24.ast April s.a. No 113. kui ka pallemisse kirri Keiserlikko Va Tartu Kihhelkonna Kohto, sest 17ast Mai s.a: No 136. et Jaan Praggi piddi sel 30 Mai´l se aasta siin kohto een ollema, agga es olle tulnu ei ka wabbandust ette säädnu, sis peap Jaan Praggi se üllewan nimmetedu summa 244. Rubla, kui ka Fritz Nutt katz kõrd Sommarpallust ilmasjanda töö aigu keimisse est 2 Rubla, mes ütte kokko (246.) katz sadda nellikümmend kuus Rubla Fritz Nutt´il wälja massma nink sai ka kohto poolt käsk antus, Jaan Praggile Praggi walda teedminne saata, et temma sel 13.al Juni´l se aasta peap sija kohtu ette tullema seddasinnast kohto otsust kuulma.