Ette tulli Gusta Weits nink kaibas: kolme aasta eest olla Purru ja Hauka tallo maije wahhele piir aetu ja perran piiri ajamist olla Hauka Jaan Taggel 2 wakka rükki sitta maa pääle tennu nink tahtse 2 wakka rükki ilma sittata tetta. Siis tulli Põlgaste Wallawannemb herra kässu päle ja keeldse ärrä. Sellegiperrast teggi Jaan Taggel röa sina päle ja lubbasi oma ma pääle 4 wakamaad assemele ent es anna suggugi ja peddasi selle 4 wakama pääl toine asta tõu wilja nink pallep nüüd Gusta Weits Kogokona Kohut sedda asja selletada ja temale abbis olla et ta omma 4 wakamaa saagi kätte saasi.

Jaan Taggel ette kutsuti kaibus ette loeti kes wastut: Mina tahtse Gusta Weitsele 2 wakamaad assemele anda kos nelli põldo olli peetu ent temma es wõtta, röa teggemist es keela herra suggugi waid keelse ilma sittata teggemist ja essimatsel aastal olli Weitsel mino maa pääl nisamma paljo põldo kui minol tema maa pääl. Nink om nüüd üts aasta mõöda kelle eest seeni ajani keaki renti es nõua.

 Põlgaste Wallawannemb ette kutsuti kes tunistas: Herra poolt olli käsk et Hauka Jaan Taggel ei tohhi ilma sittata rükki tetta sinna ma pääle.

Kohhus Moistse:

Selleperrast et Jaan Taglal sel astal Purru maa pääl 4 wakamaad tõugu om kelle eest Gusta Weits renti peab massma ja kelle assemel Weitsel suggugi maad ei olle Tagla maa pääl siis peab Jaan Taggel 26 Rubla selle 4 wakkamaa pidamisse eest Gusta Weitsele  massma.

Moistmine ja  §§ 773 ja 774 saiwa kohtunkäüjile ette loetus kon Jaan Taggel kulut, et tema sellega rahhule ei olle ja palles Protokolli wälja nink sai temale Oppuse leht ka antus.

Se protokoll om sel 4dal Aug. wäljakirjutedu.

Gusta Assi xxx

Jaan Tamm xxx

Jaan Kuhhi xxx

Kirjotaia assemik G Daniel [allkiri]