Tulli kohtu ette Kährist Jaak Armulik, ja palles koggokonna Kohhut, et kogokonna Kohhus, tunnistuse perrast Gusta Org, Gusta Zirkel ja August Hallop ette kutsus, ja perra nõwwas Kas temma poig Jaan sel öösel om kohheki wälja saanu kui Tille kõrtsist wiina ja tubbakut warrastedi. Tõiselt, ette kutsus Serrestest Jaan Siiwas ja Gusta Awwald kes ne warga omma olnu, ja neide käest ka perra nõwwas: kas Jaan Armulik om neidega ütten Tille kõrtsin wargil olnu.

Gusta Org tunnistas: Et minna lätsi Jaan Armuliku poole kui päiw jo olli ärra lännu, sis olli temma kotton ja olli temmaga ütten ni kawwa kui hommingu walgeni, ja päiw es olle weel tõsnu sis läts temma koddo poole minnema.

Gusta Zirkel tunnistas: Et minna lätsi Jaan Armuliku poole kui päiw jo olli ärra lännu, ja olli temmaga ütten seni kui hommingu walgeni. Päle selle ei woi minna temmast tunnistust anda.

August Hallop tunnnistas: Et minna lätsi Jaan Armuliku poole hä tük aiga perran päiwa minnengut ja olli temmaga ütten seni kui kel olli jubba täwweste pool kats hommingu, ses lätsi minna ärra maggama, ent Gusta Org ja Gusta Zirkel olli temmaga perran sedda ütten.

Jaan Siwas Serrestest ette kutsuti, kes wastut: Et minna ei tija hendast ei ka Jaan Armulikust middagi, nõudke tedda Jaan Armuliku käest kas temma olli Tille kõrtsin wargil wai es olle, minna es olle essi ja ei tija ka mitte kas Jaan Armulik olli wai es olle, ei olle minna ka temma waht kas temma sääl käwwe wai es käü.

Kohtu poolt saje otsus antus:

Et kui suremb kohhus lubbap sedda asja ette wõtta sis saap se assi ette wõetus ja ka selle ülle Protocoll wälja antus.

Jürri Kramp xxx

Mihkel Soldan

Gusta Rautsep 

Kirjotaja August Hallop [allkiri]