Kaibussega olliwa sullased Peep Tieberk nink Rein Kleman ette tulnu et moisa kirjotaja om neid ilma süüta pessa lasknu kartohwli pandmisse man; nemma ommawa ütten lombin istnu öddango perran päiwa alla minnemist nink ommawa jalgu kängnu, nink kirjotaja om sinna mannu tulnu nink käsknu kiltrel neile wiis löki lüwwa: sepäle om kiltre Peep Tieberkile wiis lööki lönu; nüüd om temma ütlenu: "auwolik kirjotaja! melles teije minno ilma süüta pessa lassete!" nink kirjotaja üttelnu kiltrele: "Anna tälle weel wiis löki"! - nink kiltre lönu jälle wiis löki. Sepäle om kirjotaja kiltrel Rein Klemannile ka lüwwa käsknu nink kiltre om säitse lööki lönu.

Sepäle selletas kirjotaja, et poisid ommawa tüdrukidega hullanu nink lärmi tennu, nink temma om noile kes parrajalt ommawa hullanu, kiltrel wiis lööki lüwwa käsknu, nink ne kats poissi Peep Tieberk nink Rein Klemann ommawa ärrajoosknu nink mahha istnu ja temma om käsknu neile ka kiltrel kummalegi wiis lööki lüwwa nink kiltre om neile möllembile wiis löki keppika lönu.

Et neil üllewan nimmitetu poistel 2 Tunnistajat, Rein Kleman nink Karle Jeret omma, kes ütlewa nände kaibust tötte ollewa, moistis kohhus Kirjotajale üts rahha trahw se pesmisse eest kummagi poisile 50 Cop. höbbega massa. Kirjotaja es lubba sedda nimmitetu trahwi massa, enge käskis poistel kihhelkunna kohtun henda päle kaiwata.