Tulli kaibussega moisawallitsus ette, et körra tüdrukud Lotta Mannas nink Tio Hawind ommawa lehma nüsmisse man ütte lehma, kes ei olle ennast mitte häga nüssa lasknu, pesnu ütte malgaga nink hupi arwaten wahhest kül sadda löki lönu nink kui moisawallitsus om mannu sanu sis om pesminne mahha jänu; ent lehmal om werritsed hawad taggan lu pääl olnu.

Päle sedda om moisa wallitsussel kats tunnistajad: Moisa kutsar, kes om pesmisse plaksumist kül kuulnu, ent mitte pesmist nännu nink ei ka mitte nännu, messuggutse malgaga nemma om pesnu.

Töine tunnistaja om moisa kiltre Tönno Kesper, kes ütlep henda nännu ollewa neid werritsid märke lehma sälja pääl.

Sepäle selletassiwa körra tüdrukud,et nemma kül om lehma pesnu et ta ei olle nüssa lasknu, ent sallassiwa et na ei olle mitte sure malgaga pesnu mes moisawallitsus kohto ette töi, enge töiwa ütte karja witsa kumma otsast pesmissega tük ärra olli murdunu, nink ütliwa et nemma om wahhel nüsnu nink kui lehm ei olle lasknu, sis om nemma jälle lönu nink nida olles nemma wahhest hupi arwaten kümme körda lönu selle karja witsaga.

Kohhus moistis sepäle, et nemma lehma sälja ommawa werritses pesnu nink päleke ni suggutse malgaga, üts ihho trahw 20ne witsa lögiga.

Ent moisawallitsus es olle sellega rahhu, enge lubbas kihhelkunna kohtun selle asja ülle otsust tetta laske.