Kahkwa kog. kohtu een sel 18. März 1868.

Kaiwas kubbijas Jürri Lindok, et nemma omma Wõikalt hainu tooonu ja Frits ja Jakob Parman omma koormitega een ärra tulluwa ja Ottu Lemminge tarre man kini piddanuwa ja sis om Jakob parman omast koormast Ottu Lemmingele hainu andnu. Ja om ka tee pääle weel hainu mahha jäänu ja kubbijas om käsknu Jakobil neid hainu ärra tuwwa ja Jakob ei olle mitte toonu.

Tunistaja Hendrik Leppind üttel ka ni õige ollewad ja üttleb, et Jakob Parman om essi ne haina mes tee pääle mahha jäänu koormast mahha kisknu.

Tunnistaja Peter Kärtman üttel, et temma om ka nännu kui Ottu Lemming om Jakob Parmani haina koorma mannu lännu ent ei olle nännu ka som hainu wõttnu wai ei.

Tunistaja Gusta Leppind üttel, et Ottu Leming om Jakob Parmani koormast hainu wõttnu ja hobbese om ni kauwa saisnuwa selle, et üts hobbene om wälla päsnu. Ja Kubbijas om käsknu neid hainu mes tee pääle om mahha jäänu ärra tuwwa ent Jakob ei olle mitte toonu.

Ette tulli Jakob Parman ja üttel, et temma ei olle nännu kui Ottu om hainu wõttnu ja se perrast ei olle temma wõinu neid hainu tee päält ärra tuwwa, et tema koorm tahdnu ümbre minna.

Ottu Lemming üttel, et temma olles kül Jakobi koormast 2 nakla ossa hainu wõtnu jännestele söödas panda.

Mõisawallitsus nõus neide hainu eest 5 Rubla ja Ottu Lemming peab warguse eest trahwitus sama.

Kohhus mõist, et Ottu Lemming ja Jakob Parman maswa kumbge 1 Rubla trahwi ja mõisawallitsus lubbas sedda Eesti waestele.

Wallawanemba asemik Rein Oinberg

Peter Urgard

Jakob Parmson