Sellsamal päiwal 5. April 1885

Man olliwa neesama.

Ette tulli wallawanemb Samuel Raig Karaskist ja kaibas, et Johan Mandlil Karaskist om 6 rubl. 79 1/2 kop. pääraha wõlga massa wana wallawanemba Jaan Undritz ajast, ent ei massa ära, kaibaja palles seda raha sisse nõuda.

Ette kutsuti wana wallawanemb Jaan Undritz kes tunnist et see Johan Mandli pääraha wõlg om endise wallawanemba Mihkel Wõso /Karaskin/  ajast /pr-... ei loe välja/ 1881/82 jäänu.

Ette kutsuti Johan Mandli kes wastut et tema om seda raha Mihkel Wõso aigu ära masnu, ent kwiitungi raamat om ära kaonu.

Otsus et see raha pääraha raamatun 1881/82 aastast wõlgo jäänu ja Johan Mandlil masmise kwiitung puudub, arwati see raha 6 rubl

79 1/2 kop. temal wälja massa.

Mõisteti et Johan Mandel peab see 6 rbl. 79 1/2 kop. pääraha kassa ära masma katen nädalin.

Mõistmine ja & 773 ja 774 om ette kuulutet.

Johan Mandli es ole rahul, suuremba kohtu käümine lubatu ja õpetuse kiri wälja antu 11. April 1885.