Jaan Sepmann and kaibuse, et Hindrik Põld om tema poja Jaani henda mano sulases lepnu ja tema poig teense kolm kuud sääl ja tema poig jäi haiges ja olli kats kuud koolmisel, ent pääle katte kuud paknu tema poiga tagasi, ent peremees es wõtta ennamb ja palka olli leppitu 10 Rbl. ja nelli Rbl. sai ette ära ja seda nõudse nüüd Hindrik Põld tagasi ja nüüd nõud tema et tema poig saas teenistuste tagasi wõetus.

Hindrik Põld wastud kaibuse pääle, et tema om kül kui poig haiges jäi perra saatnu ent Jaan Sepmann ei ole mitte tulnu ja om tema ka nõudnu, et tõine poig saas teenistuste pantus ent seda ei ole tema ka mitte tennu ja tema nõud nüüd, et se 4 Rbl. saas tagasi mõistedus, mis tema ette om wälja masnu ja tema om ka ilma karjuseda olnu ja om ka se aeg talwel seda poisi söötnu, kuna karjusel üttegi tööd es ole.

Mõistus:

"Jaan Sepmann kaibus om tühjas arwatu, et tema poig ennegi om talwel sääl olnu ent suwe aig om haiges jäänu."

Se kohtu otsus om §773 ja 774 perra kuulutedu ja oppusleht wälja antu.

Pääkohtumees K. Lõhmus [allkiri]

Kohtumees T. Pilt [allkiri]

Kohtumees Jaan Oppar XXX

Kirj. asemel: R. Normann