Protokolli Nr 155 perra tulli ette karjus Jaan Sepmann ja ütls et ne lehmä lätsiwa essi krawi mudda sisse nink sis lätsi minna koddo ja anni teda et lehmä omma mudda sisse jänü nink sis tulli Peter Papkow ja kiskus neid lehmi wälja ent lambid ei olle minna mudda sisse ajanu nink minna kihhoti kül lehma penniga nink lehmal olli sis 1 päiw jalg haige ent lada päiwal ei olle minna ka wäitsega ähwärdanü nink perrenaist pesnud enge tüttär nink perrenaine walasiwa minno weega sis wõtti minna wõtme enne kätte et kui teije mahha ei jätta sis minna anna wõtmega.

Tunnistaja Peter Papkow Rogosist ütles wälja et Jaan Sepmann olli kül ne lehma krawi ajanu ja pessis neid lehmi kiwwega ja kihhotas penniga nink minna tõmbsi ne lehmä wälja.

Jaan Pant nõwwap ülle kigge se om lehmi perrast ja naise pesmise eest 25 Rbla.

Moistet:

Et Jaan Panti lehmi rikkumise man ja naise pesmise man tunnistust ei olle, om se tühjas arwatu, ent et arwata et Jaan Sepmann ka ülemeleline pois om sis saap temmä Jaan Sepmanni wai omma essä käest 5 witsa lööki.

Se moistmine om §773 ja 774 perra kulutedu.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [allkiri]

Kirjotaja Jõggewa