Kaibas Moisawallitsaja M. Bendt et Soldatid Jaan Wõsso, Jaan Naggel, Jakob Troms, Jakob Sulp ja Peep Killak ommawat wasta Käsku Moisamõtsa läinu ja mittokörd Puid warrastanu, et küll neile om Haggu lubbatud ja nemmat haggu ei tahhawat.

Neid üllewannimmetud Soldatid ettekutsutud wastotasid:"et neide mitmekorrälise Palwemise päle Kütmise Nõu perrast Moisawallitsaja neile om üttelnu et nemmat mitte ütte witsa suurt Puud Mousamõtsast ei sawat, ommawat nemmat omma lubbaga ja Mõtsawahhi Teedmissega Mõtsa läinu ja hindale nattukenne Puid toonu, selle et neil jobba külma hädda käen olli, ja perrast kui nemmad jälle puid pallelnut, om Moisawallitsaja neile Soost haggu juhhatanu mis nemmat mitte ei woinu prukita selle et temma tooras olnut ja nemmat omma weikese Urzikun mitte sedda pallutada ei woiwat, ommawat nemmat Puu Rae pält paksembat Puud hindale raggunut.

Selle päle sai Koggokonna Kohti poolest neile Soldatile ütteltud:"et nemmat ei tohhi mitte wasta Käsku Moisamõtsast Puid tooma wait tollega rahho ollema mis neile antakse, olliwat nemmat siin Kohto een wäga roppud üttelden:"Kurradi perrast sinna Moisawallitsaja ollet meid lasknu jobba kuus Reedit sia joosta ja ei anna puid ja mi tahhame näidata, et meile weel Puu meie Majade juurde mannu weetud peawat sama.

Sai moistetud: Need Soldatid häbbemata Kropuse perrast ja ütte käsku Puu raggumisse eest suremba kohto ette saata et neid trahwitetud saas.