Ette tulli wallawannemb J. Kuk ja kaibas et Joh. Kukli ollewat eilä ladu pääl wäega tappelnu nink kaui wallawannemb keeldmä lännü sis üttelnü et mes kurrat sinna ollet nink sis ka wallawannembale lönü ka wallawannembale nink ei olle turru kubbijid nink üttel wenneläsel hinset mahha kisknu ja ollewat tunnistaja Peter Tutt ja Andre Prantz.

Peter Tutt tunnistas et Joh. Kukli larmitses ja taples wäega ja leije kelle enne saije nink üttel wallawannembal et mes kurrat sinna ollet nink tahtse wallawannembat ka weel lüwwa ja passis mittmid tõisi.

Andre Prantz tunnistas nisamma et Joh. Kukli wäega tappelnu om nink ka weel wallawannemba sõnna ei olle kuuldnu, tahtnu tedda lüwwä ja üttelnu et mes kurrat sinna ollet egga sinna turru kubbijas ei olle.

Jaan Org tunnistas ka et Joh. Kukli rehkles käega ka wallawannembale nink taples ja larmitses wäega.

Johann Kukli ütles et minna naksi leierkasti Juudile rahha masma, sis leijewä wenneläse minnol rahha kotti mahha nink es lasse minnol rahha kotti ülles wõtta nink minna wõtti wennw poisi kübbari ärra ja saal tahtsewa wenneläse minno pessä nink sis minna hoidse enne hennäst nink minna es tunne et wallawannemb olli. Timofei Mikitawitsch Panikowitsast and ka ülles et Johann Kukli ka tedda eila russikuga kõrwu möda om pesnüd nink enne temma pesmist ka mahha ei olle jätnu kui üts soldat mõgaga abbis tulnu nink tedda käest ärra pästnü.

Wallawannemb nõwwap Jaak Kukli trahwida. Kohtumees Karl Lõhmus ütles et temma ka sedda om trotsnu et mes kurrati kohtumees ollet.

Otsus:

Johann Kukli selle sure taplemise perrast Keiserliku Wõrro Maakohtuhe saata wahhi all et Mirawoi kohtu sädüse perra saap trahwitus.

Pääkohtumees A. Wähhi [allkiri]

Kohtumees

Kohtumees Mihel Ugur [allkiri]

Kirjotaja Jõggewa