Ette tulli Tannil Pihho ja kaibas et temma andnu Peterburi linan wellele Karl Pihho 49 Rbla lainuses 8 ehk 9 aastat taggasi nink et temma nüüd 5 aastat wahhel soldat olli nink mitte nõuda es sa, sis pallep nüüd kohhut sedda temmale wälja moista.

Karl Pihhor ütles et 27 Rbla sadis temma kül ommile wannembile koddo nink minna anni se rahha essa kätte sest et essa ka sel ajal maja perremees olli.

Essa Jaan Pihho ütles et poig Karl tõije kül arwata 9 aastat taggasi Tannila käest 43 Rbla minno kätte nink minna olle se rahha tarre teggemise päle ärra kulutanu.

Moistet:

Et se rahha om essa maja ehhitamise päle kullutanu nink Karl Pihho se maja essast om perrandanü, sis peap Karl Pihho se 43 Rbla Tannil Pihhole nida arra masma: kuni 10 Nobr. 1882 21 Rbla 50 Cop. ja 21 Rbla 50 Cop kuni 2 Febr. 1883.

Se moistmine om §773 ja 774 perra kuluteduja oppusleht wälja antu.

Pääkohtumees A. Wähhi [allkiri]

Kohtumees K. Lõhmus [allkiri]

Kohtumees Mihel Ugur [allkiri]

Kirjotaja Jõggewa

Protokoll sel 5 Julil ärra sadetu.