Nr 59 Kahkwa kr. kohtu een sel 14 Nobr 1866

Kaiwas Peter Kübbar et Jaani kuul om temmal temma omma maja karjusse üts põrs karja man ärra tapnu, ja Augusti kuul jälle üts suur zigga ärra tapnu.

Karjusse omma Petrel omma pois Kusta, Urgawa Hendrike p. Witrik ja Sandi Karli poig Josep.

Karjus Urgawa Hendriku poig Witrik ütel, et Sandi Karli poig Josep om põrst wõssost wälja ajanu ja põrs om rögaktanu temma olles Josepi käest küsinu eggo sa põrsal leid Josep om ütelnu ei, widike temma om kaema lännu om põrs ollu mahha lödu ja se pääle om Josep ärra mõtsa paggenu.

Sandi Karli poig Josep ütel et temma om põrst rosaga lönu ja põrs om mahha jäänu.

Urgawa Hindriki poig Witrik ütel et se suur zigga mes Augusti kuul om mahha lödu om Kübbara Petre poig essi mahha lönu ja olles Witriket pallelnu, et ei kõnnele et temma zea om mahha lönu ja lubbanu Witrikele se eest et ärra ei ütle roska tehha. Ent Sandi Karli poig om kampsoni käissega zigga lönu.

Peter nõus põrsa eest 2 rubla ja et wanna zea temma henda poig olli maha lönu es wõi Peter middagi nõuda.

Kohhus mõist et Sandi Karli peab Petrele se eest et temma poig Petre põrsa mahha lõi 1 Rubla 25 Kop masma. Ja suur zigga jääb Petrel ommas kahjus.

Mihhel Musting
 

Rein Oinberg

Jakob Lepland