Prottokoll Nr.5 perra lännu Pääkohtumees K. Lõhmus ja Peter Sok seda kandu üle kaema ja Andre Kändra näütanu seda kandu mis Peter Sik toll kõrral raggonu kui nema manu saanu se kand olnu 7 tolli paks, ent seda puud nema ei ole nännu mis säält raotu olli se olnu ütte kuiwa pedaja kand.

Tunnistaja Peter Pride Rogosist üttel wälja, et Peter Sik saisnu koormaga kiwitee pääl ja 2 tõist meest olnu ka koorma man ja kui tema Peter Sikkale järgi saanu, sis üttelnu se tema küsimise pääle, et ne kats meest nõudnu tema käest raha, ja üttelnu, et ne omma warrastedu puu.

Kusta Horn ei ole mitte ette tulnu sest tema elab Gudepi mõisan.

Mõtsaesand nõud selle ütte puu eest, et se kuiw olli 3 Rbl.

Mõistus: Selle ütte puu eest mis 7 tolli tüwest jämme  massab Peter Sik 1 Rbl.50 kop. 2 nädali aja seen wälja, mõtsa walitsusele, sest et se üts kuiw puu olli.

Se mõistus om § 773 ja 774 perra kuulutedu ja oppusleht wälja antu.

Pääkohtumees K.Lõhmus

Kohtumees T. Pilt

Kohtumees Jaan Oppar XXX

Kirj.asemel /allkiri/