Ette tulli wallawannemb Johann Witkin ja kaibas et wanna wallawannemb Ado Pilt ei ollewat weel mitte temma kätte 212 Rbl. 28 Kop. kassa rahha ärra andnu ei ka rehknudi kus se rahha saisap nink nõwwap nüüd se 212 Rbl. 28 Kop. Ado Pilti käest.

Wanna wallawannemb Ado Pilt ütles et sedda rahha ei olle minno käen olnu et se om Karl Pruwli käen nink ei olle ka seni ajani ütsgi minno käest sedda rahha nõudnu nink wallawannemb Johann Witkin lassis Pruwli ärra wõlaga wälja kui jo Wõrro Maakohhus sedda ritterkassa rahha Pruwli käest nõudse.

Johann Witkin ütles et minol es olle marastki õigust Pruwli käest walla kassa rahha nõuda minna nõwwa wanna wallawalitsuse käest kes kassa ülle wallitses ent ei mitte wanna kirjutaja käest, sest Wõrro Maakohus nõudse Riga sedda ritterkassa rahha walla käest ni nk minna olli sunnitu sedda rahha walla kassast wälja masma nink pea ka nüüd wanna wallawallitsuse käest sedda sisse woetu rahha nõudma ent selle nüdsele walla wöörmündrele Watsa Peter Erik se assi mitte ei puttu sest se es olle sel ajal ametin nink ei tija ka sest asjast middagi.

Moistet:

Et wanna wallawannemb Ado Pilt sedda asja ei olle wanna kirjotaja Karl Pruwliga ärra selletanu nink sedda rehknudi ei ka rahha nüüdsele wallawannembale Johan Witkinale kätte ei olle andnu sis peap Ado Pilt se rahha 212 Rbl. 28 Kop. wallawalitsusele wälja masma nink woip Pruwli päle kaibata kus tarbis nink selle käest nõuta.

Se moistmine om §773 ja 774 perra kulutedu ja oppusleht wälja antu.

Pääkohtumees A. Wähhi [allkiri]

Kohtumees M Ugur [allkiri]

Kohtumees Peter Kallman [allkiri]

Kirjotaja Jõggewa

Protokoll wälja sanu sel 24 Januar 1881.