Ette tulli Wallawanemb J. Kuk ja kaibas, et Michel Uibul selle walla peremehel om massude wõlga 7Rbl. 83 kop. ja tema nõud, et se raha saas Michel Uibu käest wälja nõudus, kui ka oksjoni wiisil riisutus.

Michel uIbu wastud kaibuse pääle, et tema om Michli Hollo pääraha wõlgu 10 Rbl. 1880 aastal oma käe pääle wõtnu se seda om tema ka ära masnu, sest selle asja man omma tunnistaja kui tema 10 Rbl. ära om masnu Andre Wähhi ja nüüdne wöörmündri Peter Erik.

Saiwa raamatu läbbi kaetus ja olli löüda, et 1884/85 om pääraha raamatu üts essing löütu, kon Michel Uibu 9,53 kop. ära om masnu, ja om 9,53 kop Rbl kannetus saanu, ent se essing om 1886/ 87 a. ära parandetu ja om selges saanu.

Raamatu läbbi kaemise perra jäänu Michel Uibu poig wõlgu 7 Rbl. 83 kop. ja se om temal ka massa.

Otsus: Andre Wähhi ja kui wöörmündri Erik käen Hollo raamat om sis see ka ette kutsu.

Pääkohtumees K. Lõhmus

Kohtumees T. Pilt

Kohtumees Karl Grünthal

Kirj.asemel /allkiri/