Protokolli Nr 92 perra tulli ette Karl Linnas ja ütles et se palk sai selle perrast sisse kinnitedus et Peter Rossi pessis minno hobbest nida et 3 näddalid paistet olli nink jättis ka aasta polele ja läts enne aasta lõpmis tenistusest ärra. Meije tenistuse lepping olli et 25 Märzil tenistuste nink läts ka 25 Märzil kül tenistusest ärra ent meil olli kõnneldu et Urbe päiwani piddi tenima nink selle leppingu mann olli tunnistaja Johan Leimann Parri kolgast nink Peter Rossi lasis ka minno naisele 1 tobri täüs pallawat wet sälga.

Peter Rossi ütles et aasta päle olli leppitu nink om tunnistaja Andre Weier nink hobbest ei olle minna pesnud ent se johtu kül kui meije tobrid tõstsime ent se es olle minno süüd. Aastast olnu 30 Rubla palka leppitu.

Moistet:

Et selgust ei olle sis mitte tunnistajid tullitada nink jääp sis 2 näddali palk enne masmata nink peap Karl Linnas Peter Rossile palka 26 Rubla 3 Kop. 2 näddali sissen wälja masma, ent temma rehknud jäs tühjas et kaibanu ei olle.

Se moistmine om §773 ja 774 perra kulutedu ja oppusleht wälja antu.

Pääkohtumees A. Wähhi [allkiri]

Kohtumees Karli Lõhmus [allkiri]

Kohtumees Mihel Ugur [allkiri]

Kirjotaja Jõggewa

Karl Linnas kiik ärra masnud Peter Rossile