Ette tulli Jakob Hak ja kaibas, et Jaan Kuk om tema niidu kuppitse ära pndnu tõiste paika ja om arwada ütte mõõduala tema niitu hendale wõtnu ja nüüd nõud tema seda kahju 5 Rbl. Tunnistajis kes sel ajal maamõõtja man omma olnu and tema üles Ado Pilt, Tanno Prants ja Tanno Tirrul.

Jaan Kuk wastud kaibuse pääle, et tema ei ole mitte wõlsi pandnu, ent Jakob Hak om kül wõlsi pandnu ja wana kupitse omma ka alale, ent nee ei ole mitte õige, sest nee ei ole mitte kaardi perra pandu ja kui tema om weidikese säält jo kündnu ja tema nõud neid kuppitseid kaardi perra panda ja kui tema om üle piiri maad wai niitu pruuknu sis massab tema kõik se kahjo, ent kui ne kuppetse omma paika ei jä, nõud tema Jakob Hak 3 Rbl. trahwi.

Ado Pilt tunnist, et tema ei wõi nüüd mitte midagi üttelda, ent suwel kutsge teda, kui maamõõtja ja kohwman om, sinna kaema, sis saab tema küll tunnistama.

Tanno Prants üttel wälja, et temal  ei ole ka meelen, ent se kupets leppa puhma man wõisi küll õige olla tõisist tema midagi ei tija.

Tanno Tirrul ütel ka, et se teeweerise kuppetsi omma kül wist õige ent tõisi tema ei tija ja muud tema ka üttelda ei mõista.

Mõistus: Kewade palja maaga wannutu maamõõtja tuwwa, ja nee kuppitse kaardi perra ära sääda ja kes süüdlases jääb, se massab maamõõtja reisi kulu.

Se mõistus om § 773 ja 774 perra kuulutedu ja oppus leht wälja antu.

Pääkohtumees: K. Lõhmus

Kohtumees: Jaan Oppar XXX

 Kohtumees: Karl Grünthal

Kirj. asemel /allkiri/