Ette tulli Otto Swanowits Panikowitsa kandori alt ja kaibas, et tema om lasknu Jakob Woital werd ja Mishel Harro om teda toonu werd laskma, ent nüüd ei maswat Mishel Harro seda were laskmise raha ära ja tema nõud seda werelaskmise raha 85 kop.wälja mõista.

Mishel Harro wastud kaibuse pääle et tema om küll se werelaskja toonu ent  masmine olli iks Jakob Woital ja temal ei ole midagi massa.

Jakob Woit wastud, et tema om sest laskmisest ennamb halwa kui hääd saanu sest werelaskja om tema soone katsgi raggonu ja tema ei massa mitte midagi werelaskjalle ja werelaskja om temal wäga palju werd ära lasknu, et tema weel selle haawa terwes saamise pääle om 4 Rbl. ära kulutanu.

Werelaskja Otto Swanowitsch üttel weel, et Jakob Woit om esi selle haawa wallale leotanu, selle om palju werd joosknu.

Mõistus: Et Mishel Harro ennegi se werelaskja om toonu, ent massa olli Jakob Woital, sis massab tema se 85 kop. Otto Swanowitschile 2 näddali aja seen wälja.

Se mõistus om § 773 ja 774 perra kuulutedu ja oppus leht wälja antu.

Pääkohtumees: K. Lõhmus

Kohtumees: Jaan Oppar XXX

Kohtumees: Karl Grünthal