Sell smmal päiwal tulliwad ette Jaan ja Johan Must ja kaibasiwad ülle Peter Rütli, kellega neil Maa pooles om, et se ollewad neid lönu, kui nemmad tahtnuwad omma wanna hainaKuhja Asseme päle kah tennahawatsed hainu panna; Palsiwad Peter Rütlid trahwida.

Peter Rütli ettekutsutud, wastotas, et neide wahhel se lepping om tettud, et "Hainamaa ja HainaKuhja Assemed" peawad egga ajasta wahhetud saama, ja kui näinu, et Jaan Must siski ommi Haino tahtnud se Kuhja Asseme päle panda kea tennahawa temmal pruki om, om temma Jaani mannu läinu ja temmale üttelno, et temma ei tohhi mitte ommi haino se nimmitud Kuhja Asseme päle panda; Kui Jaan ei tahtnud ommast Näust mahha jätta, om temma tedda mant ärratauganu, siss samma tulno Jaani poeg Johan neide manu ja om siss Rübbeleminne johtunud.

Jaan ja Johan Must tunnistawad kah, et neil nisuggune lepping Hainama ja Kuhja Assemede perrast tettu om, ni kui et kah nemmad ommawad hindat nattukene Peter Rütli wasta kaitsnud, Kui se neile Käed külge pannud, nimmelt ütles Johan Must, et temma Issale Appi läinu, kui temma näinu, et Peter Rütli tahtnud temma Issale liiga tetta; siss wõtnud Rütli kah Johan Must Hüssüst Kinni ja kakun sedda hirmsaste.

Sai moistetud Peter Rütli peab 1 Rubl. Trahwi Waesteladiko sisse ja 1 Rubl Jaan Mustale WalloRahhaks maksma:"Wastastikko kaklemisse perrast."

Se Moistminne sai §772 & 773 järrele kulutud.

Hindrik Torg XXX Joh. Klaosson XXX Josep Adoson XXX Jakob Hanson XXX Peter Kulp XXX