Sel sammal päiwal tul ette Johan Lokk, ja kaibas, et Ahjamoisa kutzar Karl Tuksam om temma wankrist Mooste lade pält üts paar werrewid wenne sapid, ketti temma kaupmees Parringi podist 2 rubl. 20 kop. est ostnu, ärrawarrastanu, nink temma, Johan Lokk neid sapid Ahjamoisa körtzin Karl Tuksami käest kätte sanu. Sapad olliwad tahtsat. Pallel ommi sapid kette sada ja Tuksami trahwida.

Karl Tuksam ettekutsutud ja se asja perrast kussitud, wastotas:"Need sapad, ketta Johan Lokk minno kaest Ahjamöisa körtzin ärrawõttis, ollen minna Mooste lado päelt 1 rubla 80 kop. est ostnu, ent poti minna mitte ei tia üttelda, rohkemb minna ei tea."

Koggokonna kohtumehhe takseriwad neid sapid ja eggaüts üttes, neid sapid ei sa mitte 1 Rbl 80 kop est osta.

Johan Lokk näitas kaupmees Parringi kaest Wöwölrist täht ette, kos se tunnistas, et need om temma käest ostetud sapad, sest temma märk om küllen ja 2 Rbl 20 kop. maksnuwa.

Sai möistetud: Johan Lokk sap sapad kätte, Karl Tuksam maksap 3 rubla trahwi waeste ladiko sisse

Se moistminne sa §772 & 773 järrele kulutud.