Kaibas Josep Willipson ülle Ann Oeigus, et se ollewad tedda Tokkiga lönu, kui temma omma Ellagid, ketti Ann Oeigus pantinud, tahtnu kätte saia; pallel Ann Oeigust trahwida.

Ann Oeigus ettekutsutud ja se Asja perrast küssitud, ütles wälja, et temma ei olle Josep Willipsoni mitte lönu, wait kui temma näinu, et se temma Mehhega kaklema läinud, om temma, Ann, Appi läinu et neid koost ärralahkuda.

Tunnistaja Ann Sallop ütles wälja, et Ann Oeigus om sedda Josep Willipsoni enne Tokkiga ja perrast ruskuga lönu; temma, Anne, Mees Johan Oeigus tahtnu Josep Willipsoni enne lüwwa, Ann agga wõttnu Johani käest Tokki ärra ja siis lönu Kaibajad.

Mikk Rebbane ütles wälja et temma om näinu et Ann Oeigus om Josep Willipsoni kats körd tokkiga ja üts körd ruskuga lönu; Tokkitemma wõttnu omma Mehhe käest, kess wäega kurjaste Kaibaje päle josknu ja tedda lüwwa ähwardanu, ent toiste Keelmisse päle, mitte lönu, konna siss Naine Ann temma kaest Tokki wõttnu ja Kaibajad lönu. Assi olli pühhapäiwal sündinu.

Sai moistetud: Ann Oeigus peab 1 Rubl Trahwi Waasteladiko sisse maksma ja 1 Rubl Josep Willipsonile Wallorahha ja Josep Willipson peab 1 Rubl Trahwi Waasteladiko sisse maksma, et töiste Niitu karja ajada lasknu, kelle läbbi Tülli töisnud.

Se Moistminne sai §772 & 773 jarrele kulutad.

Hind Torg  XXX  Joh. Klaosson  XXX  Hindrik Lipson  XXX Peter Kulp  XXX Jaan Koor  XXX