Wanna Koiola koggokonna kohtun Wissen, sel 16nel junil 1875.

Man olliwa kohtowannemb, Jaan Pihho

                     kohtomees, Johann Keerd

                     kohtomees, Karel Kooskora

Pallo wallast Jürri Herne kaibap An Hurt päle, et tem(m)a tedda 1874 juli kuul naises kossinu ja 10 rubl kihlus rahha kätte andnu; ent perrast muide läbbi teda sanu, et ei piddada ennämb An Hurt tüdriko saiusse sissen ollema. Sepäle om ka Jürri Põlwa oppetaja herra man käünu, kes käsknu saisma jätta oduse päle; nüüd lats kätte sanu, nida kui rahwas kõnnelnu; nõwwap 10 rubl kihlus rahha ja 3 rubl muido kullu taggasi; sis om rahho. -

An Hurt om(m)a eestsaisjaga wastutas: Mul es olle tokõrd märastige wikka; ent lats saije mul 26tal januaril 1875 kätte." -

Moistetu: Et se awwalik, et 6 1/2 kuud kossimissest latsesamisseni wahhet om ja ka An Hurt essi ütles: Et middagi täl Jürri Hernega ei olle enne, ei ka perrast teggemist olnu; enge oppetaja een Josep Kõiw päle kül kaiwanu, kes süüdlane selle asjale olnu.

Otsus: Massap An Hurt 10 rubl kihlusrahha Jürri Hernele 15 oktobril s.a. kätte, kui tem(m)a om(m)a rahha, ent kolmest rublast mes muido raisat; ei olle nõud-

mist .

Kohtokäüjile otsus ette loetu, suremba kohto käümisse sädus § 772, 773 n. 774 perra kulutedu. -

                      Kohtowannemb, J Pihho      

                      Kohtomees, Johann Keerd  XXX

                      Kohtomees, Karel kooskora  XXX

                             Kirjotaja, J. Käis

Ärra lepnuwa 6 rublaga täämba mastu 2 rubl 70 kop.