Wanna Koiola koggokonna kohtun, sel 10. märzil 1869.

Jaan Haidak kaibap omma tenuski ja omma naise Mina jao perrast, ja nõwwap omma aasta tenuski eest 25 rbl, ja naisele Minale omma essa perrandussest jakko, mes neil weel seni ajani ütten olnu. Ewa Kriwe ja temma eestsiasja Peter Sabre andwa wastust, et temma olli linna maan, palga eest. Jaan Haidak and wastust, sepale, et kaddonu Peter Kriwe lubbas min(n)ole, pole maija, wimate - ja erras eesmalt 2/3 alla nurmest linnas maad palga eest, ja mõtsast mul hääs 1/3 alla maad. -

ent poolt lubbatud nurme maast ei olle sanu. 

Sest om 3 leisikat linno sanu a 4 rbl  12 rbl wöörmöndre Peter Haidak olli neide kauba man olnu, kui Peter Kriwe sedda lubbanu, ni kui Jaan Haidak wastut, ja üttel sedda oige ollew.

Kaddonu Peter Kriwe warra perrija omma, nimmelt:

1. Kaddonu Petre läsk Ewa Kriwe

2. poig Johan Kriwe

3. tüttar Mina 

Mõistetu: Peter Kriwe maja piddamisse 

I.  warrast peap weel 13 rbl Jaan Haidakule wälja masma, ja aasta pärahha, sest lubbatust polest maast jääp ta ilma enge jääp kiik se tallo kaddonu Petre - poja Johan Kriwele. -

II.  Mina Haidak /Kriwe/ perrip om(m)a kaddonu essa perrandussest § 985 p. kolmanda jao, ni et eggale perrijale üts ossa saap, kigest warrast, mes majan löuda om, olgu wiljä, ehk ellajide ehk maja riisto polest. - ni kui wallawallitsussest, perran kaddonu Peter Kriwe surma se warra ülles woetu, seperra saap jaetu. -

                                  Kog kohtowannemb: 

                                    Kohtomees  Peep Tobre  XXX

                                        do   do     Tomas Häm(m)alanne  

                                   Kirjotaja P Blaik