Wanna Koiola koggo konna kohtun, sel 24mal weebruaril 1869.

Jacob Plakso kaibap Jaan Kottisse päle, et se ei olle temma tenitud palka ärra masnu, mes antu wõllaga kokko 16 rbl om. - ja nõwwap sedda kohto läbbi wälja .

Jaan Kottisse and wastust: seperrast es massa minna, temma häbbemata olli minno lehma man, kui ma manno saije, sis pallel ta et ma kellegi es peas kõn(n)elema, nink lubbas omma aasta palga minnole ärra, et ma waik piddi jäma.

Ja sedda lubbamist olle minna ka piddanu; ent nüüd om Jakob Plakso essi se jutto wälja tennu, seddawisi, et ma ei maswat selle temma palka et ta min(n)o naise man käünu.

Se ülle kaibap ka Jaan Kottisse, et ta temma naise päle ommast pääst säratse häbbi jutto om wälja tennu.

Jacob Plakso käest saije küssitus, sinna peat se ülle tunnistust andma, kelles Jaan Kottisse sedda üttelnu, et sa temma naise man ollet käunu.

Jacob Plakso wastut sepäle et ma ei tijä se ülle keddagi tunnistust anda, ma olle enne kuulnu.

Sest om nätta, et Jakob Plakso, omma häbbi kistutamisses särast jutto om wõtnu, sest et temma teese, et se palga nõudmisse perrast awwlikkus tulle.

Jacob Plakso üttel ommale perremehhele Jaan Kottissele, koggokonna kohto een, waik, sinna mulkus!

Henne wahhel ärra lepnuwa - Jaan Kottisse massap Jacob Plaksole 8 rbl ärra nink 8 rbl jääp trotsmisse eest masmata. -

                             Koggokonna kohtowannemb:

                                     do        Kohtomees Peep Tobree  XXX

                                    do                do       Tomas Häm(m)alanne  XXX