Ette tulli Jaak Jassik ja kaibas et Jakob Kõiw ollewat tedda Kasseritsa kõrtsin teatanu et temma om perris hobbesewarras ja röwel ja ollewat tunnistaja Johan Putari Wastselinast. Jakob Kõiw ütles et minna ei olle Jaak jassiku nimme üttelnu ja kõnneli sest hobbesewargast Rõngas kedda hobbesewargas jo allati ütteldus ja oli tunnistaja Wastse Kasseritsast kõrtsi soldat. Tunnistaja Johan Putari Wastselinast ütles wälja et meije kõnnelime sääl kõrtsin Jassikuga sis tulli selle juttu päle Jakob Kõiw sisse ja üttel et nüüd lähhap Kõiw mõisa jälle üts hobbesewaras ja röwel ent nimme es ütle kes se om nink nakkas wimate sest hobbese wargast Rõngast kõnnelema.

Otsus: Tõine tunnistaja Johan Potari ka tõises kohtupäiwas kutsuda.

Se mõistmine om kulutedu.

Pääkohtumees Jürri Waldmann

Kohtumees Tannil Oinas

Kohtumees Tannil Purge

KIrjotaja /Jõggewa/