Protokolli nr.111 perra sest 28 Novembrist tulli ette I tunnistaja Jaan Russ ja ütles wälja et tenistusest ärra ajamist ei olle minna kuuldnu enga käskis kül üts kõrd Jaak Jassik Peter Leoskil rehhe manno töhho minna nink sis läts ka Peter Leosk rehhe manno töhho nink olli 1 näddal rentnikul töön, ent näddali perrast käskis rentnik jälle tedda rehhe manno töhho minna ent Peter Leosk es lähhe ennamb nink rentnik üttel et enne ei tohhi tenistusest hobis ärra minna kui kohhus om mõistet nink Peter Leosk üttel et kuis minna sis wõi tenida kui ei tija mes minna selle eest saa, nink läts ikke tenistusest ärra. II Tunnistaja Jaan Parts ütles wälja et rentnik üttel eddimalt  et teje ollete nüüd ommast ametist lahti, et täämba lähhate rehhe manno nink hommen saap nätta mes saap, nink üttel et sinna ja sinno naine ei pea ennamb karja manno minnema. I Tunnistaja ähwardamise man Jaak Kirp ütles wälja et minna ei tija ähwardamise ja trotsmisest middagi. Lehma perrast ütles Jaak Jassik et se olli mino lehm nink olli Leoskile nüssa antu Janipäiwast Janipäiwani. Peter Leosk ütles et se olli kül rentniku lehm, ent olli minno käen lüpsa Jürripäiwast Jürripäiwani nink es lase rentnik ennamb minno lauda manno päle se ka omma lehma söötma ja lüpsma.

Mõistet: Et Tallorahwa säduse § 383 perra enne kohtu otsust Peter Leosk tenistusest ärra om lännu sis ei saa mitte aasta palka enge peap Peter Leosk tenistuste taggasi minnema nink aig ausaste otsa teninu nink trotsimise perrast ei sa ka rentnik Jaak Jassik trahwitus, sest tunnistust ei olle.

Se mõistmine om § 773 ja 774 perra kulutedu ja oppusleht wälja antu.

Pääkohtumees Jürri Waldmann XXX

Kohtumees Tannil Oinas XXX

Kohtumees Tannil Purge XXX

Kirjotaja /Jõggewa/

Protokoll wälja sanu sel 20 Dech. 1879.