Ette tulli Katre Mäger Wastse Kasseritsast, man saisja Peter Jaakson, ja kaibas et temma tüttär Andres Luik man suwwi karjan käünu ent ei olle middagi palka masnud. Palk olno leppitu et suwwe kaup karjan ja selle eest palgast peap ema kiik aasta korterin ja 1 wak kartohwlid mahha pand nink kui Katre Mäger weel tööd teep, selle eest massap perremees erralde, ent nüüd ema korterist süggise ärra ajanu nink ka karjuse ütten nink nõwwap nüüd 6 rubl palka latsele ja 3 wakka rükki ja 3 wakka keswi monas nink 1 puut lihha. Andres Luik ütles et minna ei massa middagi et andge tütter talwes mulle leppingu perra taggasi nink minna aije jo emma kewwade ärra et temma minno es awita ent temma läts weel süggise ärra nink weije ka omma tütre ütten ent latsele es olle muud palka leppitu kui talw ülle toita nink Katre Mägerite 3 lammast minno karjan hoitu nink ema piddi minnole päiwi teggema nink selle eest olles minna temmale masnu, ent  Katre Mäger es te minnole päiwi, selle eest aije minna tedda ärra ja om Tunnistaja Hindrik Peets.

Otsus: Tunnistaja Hindrik Peets tõises kohtupäiwas.

Se otsus om kulutedu.

Pääkohtumees Jürri Waldmann

kohtumees Tannil Oinas

Kohtumees Tannil Purge

Kirjotaja /Jõggewa/