Karl Puksmann om Rappina perrisherraga to wisi kontrakti tennu, et temma tulleb Jürripäwal 1869 Räppina moisa monakas.

Karl Puksmann saab Ristipallun moisa korter nink 1 wakkaalla maad ja üttel lehmal põhko ilma massuta, suwwel om lubba 1 lehma nink 1 lamba omma tallekestega moisa kessa päle nink mõtsan karja sata.

1 Jürrikuu päwast senni kui 1 Oktober om mehhe suwwe päiwa palk 25 Koppik, naisel näitsikul nink poisil 15 Koppik, kui lapsed moisa tole woetak siis saawa pole innimese palk. Mehhe õigus om igga päew moisa töle tulla, naise õigus om suwwel pool aeg mõisa töle tulla kui kutsutaks, talwe igga näddal üts päiw rehhe tulla pesma.

1 Oktobrikuu päwast senni kui jälle 10 Aprillini om talwe mehhe tö palk 20 koppik naisel, naitsikul ehk poisil 15 koppik.

Mona saab igga töö innimesse pääl 5 wak lapse jaus 2 wakka. Mona Rükki wak massab 135 Koppik soormed 6 koppik matt 5 süld puid lasseb moisa herr monaka tarre mannu panna üks süld massab üks Rubla 1 wakkamaa haina teggeminne ja kuhjapanneminne massab 40 Kop pin  1 wakkamaa wilja leikus ja kokkopanneminne massab 80 koppik.

1 süld puid saega leikatud lõhhutud ja 6 jalga ruut üllespantud massab 30 koppik.

Kiik Krono ja wallamassud massab monakas ommast palgast ja 2 kord aastal, suwwe tö lõpmisse järrel nink talwel tö lõpmisse järrel saab kiik palka mes om tenitus kätte massetu.

kiik jalla töö riistad ni kui kirwes, wikkat, sirp, rehha, koot, saag, lappi peab monakal henda käest ollema hobussega töö riistaf kui wanker, adder, häggel, kapla andaks moisast.

Nenda om leppitud Räppina koggokonnakohtus sel 14 Oktobril 1868.

Karl Puksmann XXX

Päkohtomees P.Kiudorw

Kohtomees J.Türkson

Kohtomees K.Wõsoberg