Ette tulli Dawid Wilo nink kaibas et nemma ollew Tannil Krahwi Linnamassina tono Tannil Thalbergiga Salusse mõisade nink se massin ollew Rehhen olno kui Rehhi pallano nink ka ärra pallano, ent nüüd ei tahtwat Tannil Thalberg arwestada massa, konna tema Tannil Krahwiga kokko lepno 31 Rbl 50 kop selle massina eest massa.

Ette kutsuti Tannil Thalberg (Hanjast) nink loetri eenseiswa kaibus ette nink temma ütles, et tälle ei olle massinat tarwis olno ent Dawid Wilo om pallelno tedda appi massinat tooma nink temma om ka länno.

Peter Konts Loosist andse tunnistust et Tannil Krahwi Linnamassin olno temma käen, nink Dawid Wilo ja Tannil Thalberg tulno mõllemba perra, ent temma ei olle andno enne kui nemma läewa lubba küssüma Tannil Krahwi käest, nink sis om Wilo ajano Thalbergi lubba küssima ent ta ei olle länno nink üttelno Wilole lasse ommal poisil minna omma hobbese nink sis om Wilo pois länno lubba küssima, ent temma näggemisse perra omma nemma mõllemba massina tahtja olno.

Kohtomõistus: Kunna nüüd nemma mõllemba omma massina tooja olno sis massab Tannil Thalberg 10 Rbl. abbis, Dawid Wilo kätte ent Wilo massab Tannil Krahwil nida kui temma om lepno.

Se kohto mõistus sai kohtunkäüjile kuulutedus nink §773 ja 774 Tal.säd.ram. 1860.a. ärra selletedus mis oppust andwa suremba kohton käümissest, ent kohtonkäüja es olle sellega rahhul Dawid Wilo tolleperrast et Tannil Thalberg weidemb massa mõisteti, nink Tannil Thalberg tolleperrast et tälle ka massa mõisteti, nink wimate sai neile ka §881 perra se trükkito oppusse leht wälja antus.

Päkohtomees Jürri Waldmann XXX

Kohtomees Tannil Oinas XXX

Kohtomees Tannil Purge XXX  

Kirjotaja /allkiri/

Copia wälja kirjutet Keisrl.VI Kih. Kohtule