Moisa wallitsus saatis tagan kirjotedu kaibust kohto ette.

Sel 30mal Januaril ommugu kül Sep moisa tullo nink Seppikotta lännu ollu ahelat mis krambi asemel om usse küllen katski nink Seppikoast erra wõetu 8 Raudrattast ja 2 kangi rauda.

Sel 1matsel Februaril olli kandimees Karl Zirk kes kandimehega Andres Tawitz nink sullase Peter Kaup'ka ütten majan ellab moisale ülles andn et poolpäiw wasta pühapäiw öse kandimehe Andres Tawitze wööraspoig Johan Orraw nink sullane Peter Kaup kiek ö ümbre söitnuwa nink kui ommugo koddo tullowa om obbune üsnä erra aijeto ollu.

Karl Zirk ülles andminne olli kuulda woeto nink nimmitedu kats meest moisa toodo nink tõine tõiste tarre kinni panto.

Kutsuti ette Johan Orraw nink wastas selle küsimisse pääle kos nemma poolpäiw öse käinowa nemma käinowa Wiisijagol Tepani man Peetrele põhko otsma, Tepan olli erra küsito nink olli üttelno et poolpäiwast nikawwa kui espäiwani kotton ei olle ollu. Johan Orraw es woi muud tetta kui piddi salgamisse perra erratunnistama et ommawa Moisan käino nink seda wargust tallitanu. seda wargust olli wasta wotnu Suure Kongota Kobbiluse kõrtsimees Thomas Kängsep.

Selle perra kutsuti ette Peter Kuop nink tunnist suure salgamisse perra nidasammote.

Selle perra läts Walla wanemb Jaan Uint Päkohtomees Andres Tageperra Wöölmolder Peter Timmer nink kirjotaja kobbiluse kõrtsi manno nink saiije weel kongota Päkohtomees Dawi Konni sinna kutsotus. ja woeti otsmist ette.

Wimalt löiti nii kui warga juhatiwa keik kattesa rattast külla waino päält tühja Seppa maja laepäält, selle perra minti kõrtsimanno körtsimees es olle koddon woeti koddo otsmist ette ent es lowwa neid katte rawwa kange keda wargat ütliwa körtsi mees kortsi pandno, perrast tulli kõrtsimees koddo nink sallas edimatse küsimesse pääle perrast läts körtsi pääle nink wõtt kattusest rawwa kange wälla. Kõrtsimees saiije siija kohto ette kutsutus. Nink and särast tunnistust nimmitedu mehet om kül temma poole tullu ratta koormaga ent minna es wõtta neid wasta nink kassin tagasi wija nink ei tija kos nemma neid wisiwa rawwa kange löidsin minna ommugu rehhe all wärija alt sisse panto.

Nimmitedu kats warrast saiwa ütsi ette kutsutus nink andsiwa tunnistust kõrtsimees om wälla tullo nink tahtnuwa edimalt ratta kartowli auda wija perrast tullo meelde kui (Peter Kaup üttelno et üts tühhi hoone sündsamp olles) nimmitedu tühhi hoone nink pandnuwa sinna Johan Orraw länno ülle nink kõrtsimees andnu kätte  kõrtsimees gäie selle manno et temma sest asgast middagi ei tija.

Nimmitedu wargide ütte suggutse kõnne perra

Moistedi kõrtsimees süidlases Moisa herra noudis 30 R palwe perra leppis perris herra 25 R.

Moistos

Suure kongota kobbiluse kõrtsimees Thomas Kängsep massab 6da Februarine 25 R Peter Kaup nink Johan Orraw saiwa kumbgi 30 witsa lögiga trahwitus nink massawa kumbgi 3 R (kolm rubla) waeste Ladiko kattesa päiwa sehen.

Walla wanemb Jaan Uint

Päkohtomees Andres Tageperra

Kongota   "      Dawi Konni

   do Abbikohtomees Willem Lillimaggi