Markus Kastre Perrawalla mõtsaissand kaibas, et ta sõitnu eespäiw õhto sel 26. Aprilil s.a. Tartust koddo pole sanu Lohkwa küllan te pääl järrele, kes temmal üksi taggan sõitnu säält kunni Lunia-Wannamoisahe, kes Jaan Brunhof weel üks töine ka päle wõtnu - sel modul sõitnu nemma temmal tagga Parwele, Sarrakusse Prilli kõrtsi jure ja Mellistahe - kos te pääl Jaan Brunhof nõudnu, kos ta ösest jäda, ta, Markus üttelnu, saab nähha, kas Kurristahe ehk Ahjale, nüüd kui Jaan Brunhof omma koddo jure sanu, kutsunu ta tedda henna jure ösest, ta ei läinud nink sõitnu eddesi ja Jaan Brunhofi seltsimees, Karl Kõima Kurrista Rooksost, nakkanu jalla järrel tullema. Kunna jo ö päle tulnu, naisel ja lapsel külm nakkanu, siis käändnu ta kui ta 2/3 wersta eddesi sõitnu Heidhofi perremehhe Männi Michel Sulbi pole ösest, kes tedda wasta wõtnu nink hobbese rehhe alla pandnu, kui nemma hommungu ülles tulnu, olnu se hobbene ärra warrastud, kige kramiga riisudu

Ta kaebaja Markus arwata, et Jaan Brunhof ehk omma seltsimehhe läbbi kellega ta Tartust ühhes tulli, järrele passinu, et ta Michel Sulbi pole ösest jänu, ja siis hobbese wargadele kes temmaga ümbre käiwa, kas Peter Körtsile Kastrest, ehk mõnne muile kätte anda - neid wargaid olla ni kui nähtu töisel hommungult läbbi Pokka moisa 2 hobbest ees sõitwad Haslawa pole. Sedda nimmetud Jaan Brunhowi seltsimeest Karl Köimad olla ta Michel Sulbiga ka Kurristalt selle kohto ette tonu, nink palluda ta ette wõtta ja ärrä kulata.

Perremees Michel Sulb tõendas nisammute, et kaebajale nisuggune õnnetus temma majas juhtunu, ja arwas ka, et Karl Köima, Kurristalt, kes Jaan Brunnowiga ühhes tol körral Tartust tulnu, järrele passinu, et se käija Markus temma pole öses tulli, nink sel modul nemma Jaan Brunnowiga se hobbese ärrä tallitasiwa.

Karl Köima, Kurrista-Rooksolt kutsuti ette, kes ütles küssimisse päle wälja: minna lätsin sel päiwal, 26. Aprilil s.a. Tartuhe Radi kohto päle omma, asja, muijal kohto pääl es käi, tullin ni kaua kui Lunia-Wannamoisa körtsi jure, siis tulli Jaan Brunnow järrele, minna tedda enne es tunne, agga pallusin ennege tundmada päle wõtta, kes ka wõttis nink wiis minno ni kaua kui Mellistest möda, sääl läts Jaan Brunhof omma maija, minna agga naksin jalla minnema Kurrista pole, se saks, kes meijega ühhes sõidis, sõidis ees, kedda minna ennamb päle se es näe, ei tija ka kohhe ta öses läts, weel wähhemb temma hobbese wargussest. Kui minna Männi tallost, kos ta ösest läinu, möda lätsin, siis koerad sääl haukusiwa ja tulli paistis te päle.

Jaan Brunhof ütles, kui minna te päält neist omma ussaida ärrä lahkusin, lätsiwa mõllemba minnema, essand ja Rookso rentnik, Karl Köima, kedda minna enne ei henne ennege sel päiwal Landrihti kohto pääl näggin, ka ükskörd näggin minna tedda Landrihti kohto pääl, kos temma wend minnoga ühhes kambres wangis olli. Wannamoisa kõrtsi man wõttin minna Tartust sõiten tedda päle, kelle eest ta Prillis 1/2 naela ostis. Ta ei teda sest kaebaja hobbese wargussest mitte middagi ja olla kohhalt õige, kül kutsusin minna tedda henne pole ösist, ent ta es tulle ńink sõitis eddesi ja ütles, et ta Kurristal ehk Ahjale ösest jääb.

Karl Köima käest sai nüüd jälle küssitud, et ta sel päiwal Tartus mujal kohto jures ka käinu, ta salgas, n. ütles, et ta muijal ei käinu kui Radi kohto pääl, ent kui Jaan Brunhof tõendas, tedda ka Landrihti kohto pääl näinud olla, siis ta ütles wälja, et ta ka sääl käunu, omma wenna asja perrast kes sääl wangis olnu. Kui nüüd temmale ütteldi misperrast kohto ees walletada, siis ütles ta, et kohhus essi tedda walletama käskida ja olli kohtomeeste wasta krop.

Moisteti: Et selle järrele Jaan Brunhof, kes jo enne kohto al wargusse perrast ja tutwa et ta wargaide seltsimees kül kahtlanne, ja wois ta kül wargadele se hobbone kätte andnu olla ja Karl Köima läbbi perra passinu et kaebaja Markus 2/3 wersta eddesi sõitnu, Michel Sulbi pole ösest jäi, kunna nemma ka salgsit, et nemma enne üks töist mitte tundnu, mis mitte ni ei olnu, siis olles se wargusse assi Keiserlikko Tarto ma kohtohe anda, kaugemba otsusse alla ja et Karl Köima siin kohtomeeste wasta krop ja kohto ees wallet räkinu 25 witsa ehk 5 rubla trahwida olles.

Se otsus sai kohto käujile kulutud ja Karl Köimale trahw täidetud, et ta rahhaga ei maksnu.

Pä kohtomees Karl Tattrik

Kohtomees Johan Sternfelt

Kohtomees Hendrik Tüür

Kirjotaja F. Thal <allkiri>