Pangotin sel 22 Oktober 1871.

Man olliwa: Päkohtomees Hendrik Kotkas.

Manistja Peter Küllaots

dito (Hindrik) ...

Kaibas perremees Peter Pastak, et Hindrik Pastak tema karjatüdrukut keppiga pesnu, maad wasto lönu nink ka weel selle jalla ärra käändnu, selle eest et se sea temma rõugu lasknu. Peter Pastak ütles, et temma olles sedda kahjo woino wölja massa. ja andis tunnistajas Jaak Kotka, Ann Kulles.

Selle päle wastas Hindrik Pastak, et nema ja tõise tallo rahwas kartoflid wotnuwa nurme pääl nink Peter Pastaku karja tütruk tennu tuld lane weren arwatu 1 werst koddu maad, sead tulnuwa temma röugu päle, kost tema neid warsti koddo aeanu, ent ne tulnowa toist kõrda jälleki, sis tulno karja tudruk mõtsast siggo ärra aeama nink temma wotnu tedda kinni nink lubbanu pessa, ent se pallelnu tedda, sis lasknu tema sedda wallale. Andis tunnistajas soldat Jaan Speek nink Sander Pastak.

Otsus: tunnistaija sawa ette tallitada teine kõrd.

Päkohtomees Hindrik Kotkas XXX

Manistja Peter Küllaots XXX