Ette tulli Andre Kändra nink temma welli Jakob nink kaibassiwa et ollew omma Tuleweski andno Peter Habba kätte rendi päle nink eddimane asta tolleperrast ilma rentita et peap tõine kiwi manno teggema nink ka tõist kiwwi joonde säädma ni et üts kiwwi Janipäiwas walmis peap nink tõine Jakob päiwas ent ei olle mitte ni ruttu walmis sano nink nella talla jahwatus mes pri olno leppito piddawat muijal jahwatadama nink nüüd ollew sest aastast weel 10 rbl. renti masmada nink Peter Habba ollew ülles üttelno nink nõudis kahjo tassomist 20 rubla.

Ette kutsuti Peter Habba nink loeti eenseiswa kaibus ette ent temma ütles et Andre Kändra ei olle jõudno Matriali manno murretada nink temma ei olla wõino ni ruttu walmis tetta nink ollew se läbbi kahjo sano ja selleperrast ollew renti 10 rbl masmata et nei olno leppi Andre Kändra annap igga aasta 4 süld puid ja 40 Ltti haino  nink sest aastast ollew weel sada 3 süld 5 jalga puid nink 30 Ltt haino nink Kändra ollew tälle lubbano Kapsta maad anda nink ei ollew andno kui ennegi üts södi perw, kust temma midagi ei olle sano nink nõudis kahjo tassomist 25 rubla.

Kohtomõistus: Kunna mõllembilt poolt nõudno om olno mõista meije et Peter Habba peap Andri Kändrale rent 10 rubla katte nädali ajo sissen ärra masma, nink et Andri Kändra peap Peter Habbale 3 süld 5 jalga puid nink 30 Ltt haino ka katte näd. aja sissen ärra masma.

Se kohtomõistus sai kohtonkäüjile kuulutedus nink §773 ja 774. Tal.säd.ram. 1860.a. ärra selletedus mis oppust andwa suremba kohton käümissest ent Andri Kändra es olle sellega rahhul tolleperrast et Peter Habbale puu nink haina massa mõista ent Peter Habba olli sellega rahhul nink wimate sai neile ka §881 perra se trükkito oppusse leht wälja antus.

Päkohtomees Jürri Waldmann XXX

KohtomeesTannil Oinas XXX

Kohtomees Tannil Purge XXX

Kirjotaja /allkiri/