N 81.

Lewi kogokona kohus sel 28 a Nowembril 1884

Koos olliwa Pääkohtumees Jaan Thalfeld

kohtumees Kusta Moistus

" Jaan Meos

Ette tulli Johann Jerwpõld Lewi wallast ja kaebas Jaan Suits pääle kes ka Lewi wallas elap et temma tedda nisamma ku temma naist om niwiisi teotanu et temma om üttelnu et Jerwpõld siis Rõõmsa Lisa mann kui Joh Suits temma naise mann om olnu ja selle man omma tunnistaja  Michel Tamm ja Lena Ilwes. Selle henda ja omma naise teotamise eest newwap temma 50 Rubl.

Tunnistaja Michel Tamm Lewi wallast tulli ette ja and tunnistust: temma om küll kuulnu et nemma henda keskes omma tülitsenu, ent neid teotsimise sõnnu ni kui om kaewatu, ei ole temma mitte kuulnu ei ka tähele pandnu.

Tõine tunnistaja Lena Ilwes ka Lewi wallas, tulli ette ja and nisama selle teotsimise ülle tunnistust.

Moistmine

Kuna nemma essi henda keskes omma tullitsenu ja need molemat tunnistajad neid teotsimise sõnnu ei olle kuulnu, om Johann Jerwpõld kaebus wasta Jaan Suits selle kogokona kohto poolt tühjas moistetu. Moistmine saije § 773 ja 774 perra ette kuuludet

Pääkohtumees: [allkiri] Jaan Thalfeld

Kohtumees [allkiri] Juhan Suits

" [ allkiri] Kusta Moistus

Kirjotaja [allkiri] P Perli

Appellation keeletu

Copia sel 29 a Nowembril 1884 wälja antu

Sisestaja: Uuno Ojala